XON ATLAS FESTIVALI

Respublikamizda “Xon atlas” haftaligi doirasida o‘tkazilayotgan milliy festivalda Qarshi vagon deposi xotin-qizlari ham faol ishtirok etishdi. Atlas va adras kabi ko‘zni quvnatadigan, yorqin ranglari, takrorlanmas naqshlari bilan kishiga xush kayfiyat bag‘ishlaydigan milliy matolarimiz ayollarimizga yanada chiroy va go‘zallik baxsh etsa, shu kabi festivallar yoshlarda milliy qadriyatlarimizga ehtirom tuyg‘usini shakllantirishi bilan ham ahamiyatlidir.