Qarshi Vagon Deposi 1936-yilda tashkil etilgan bo‘lib, O‘zbekiston temir yo‘llari tizimidagi eng qadimgi va tajribali ta’mirlash korxonalaridan biridir. Dastlab depo yuk vagonlariga texnik xizmat ko‘rsatish, ularni joriy va kapital ta’mirlash maqsadida faoliyat boshlagan. Ikkinchi jahon urushi yillarida depo front uchun muhim bo‘lgan yuk tashish tizimini barqaror ushlab turishda faol ishtirok etdi. Urushdan keyingi yillarda esa korxona faoliyati kengaytirilib, zamonaviy texnologiyalar va uskunalar bilan boyitildi. Bugungi kunda Qarshi Vagon Deposi yuk vagonlarini sifatli ta’mirlash, ehtiyot qismlar ishlab chiqarish, va vagonlarni texnik holatini nazorat qilish bo‘yicha yuqori malakali xizmatlar ko‘rsatadi.